चित्तमपल्ली यांनी जंगलाचे ६५ वर्षांचे प्रत्यक्ष ज्ञान आणि अनुभव आपल्या २१ पुस्तकांमध्ये संकलित केला आहे, ज्यात दोन विश्वकोशांचा समावेश आहे. ज्ञानाचा हा खजिना इंग्रजी आणि इतर भाषांमध्ये भाषांतरित होणे गरजेचे आहे, जेणेकरून भारतासह उर्वरित जगातील निसर्गप्रेमींना त्याचा लाभ घेता येईल.

पुणे ही महाराष्ट्र राज्याची सांस्कृतिक राजधानी आहे, शिवाय​ गेल्या शतकभरापासून विद्येचे माहेरघर​ म्हणून प्रसिद्ध आहे. आगामी काळात पुणे पुस्तक महोत्सव आणि ‘पुणे लिट फेस्ट’ हे शहर आणि जनतेसाठी एक​ स्वतंत्र ओळख म्हणून उदयास येतील यात शंका नाही.